Spieldosenmelodie
Wiehnacht im Tannewaud
Der Heilig Obe esch do gsi. Feischter ond stell, wie a jedem andere Obe, so esch es ou hött gsi. Nome im dorf onde het me meh hälli Fäischter gseh aus sösch. Ond d Tannechender hed gwösst, das vele Liecht isch vo au dene Weihnechtsböim cho wo henter de Faischter gsi send.
Do het die auti Tannegrossmueter de Tannechender e Gschecht verzellt, der kennet si secher ou: D' Gschecht vom chline Jesuschendli, wie äs inere donkle Wenternacht im Stau vo Bethlehem gebore worde esch ond wies do uf einisch ganz häll gworde esch im Stau ond drom ome ond uf de Fälder dusse. Wie d Herte, wo dusse d Schöfli hüäte sech förchtet hei vor däm Liecht bis en Ängel cho esch ond ne gseid het, dass sie kei Angscht münd ha, well, so het dr Ängel gseid, das Chendli i dere Chreppe vo ganz bsonders lieber und zarter Art sigi ond de Mönsche vel Liecht und Fröid brenge wärdi.
Zur Erinnerig a das hälli Liecht vo domous ond das Liecht wos Jesuschendli in Wält brocht het, do brönne jedes Johr ar Wiehnechte, sim Gebortstag, die vele tuusige vo Liechtli uf all däne Wiehnechtsböim. So hets d Tannegrossmueter verzellt.
Im Dorf onde händ Glogge jez gschwege ond d Tannböimli hend ou gschwege. Keis vo ehne het klagt, dass es so feischter ond truurig sigi do obe, well ou i erene Härzli esch d Wiehnechtsfröid iizog ond si hend gwösst, dass sie irgendeinisch sälber so ne schöne Weihnechtsboum wärde sii.
Märchenübersicht
noch eines...
Zur Weihnachtsseite
Home
