|
Tochter Zion
|
||||||
|
I bin ä chliine Läckersbueb
I bin ä chliine Läckersbueb, Cha lache, singe, pfyffe, Ond möcht halt gärn es Bäumli ha; Das wärdet er begryffe.
I bin ä chliine Läckersbueb Ond mags fscht nöme erwarte, Bes öpper mer das Bäumli brengt Mit Sache aller Art.
Jetz holed doch - ä bitti au! - Das härzig Bäumli iine! I freu me halt uf d Tirggeli Und gsäch gärn d Liechtli schiine!
Denn tank i euch so härzlech froh För alli Lieb ond Güeti Ond bäte, dass Gott alliwil Euch sägni und behüeti!
Kon. Gachnang
|
||||||
| Vom Himmel
Vom Himmel flügt uf d Ärde schweind sChrischtchindli hüt zue jedem Chind. Äs bringt es härzigs Bäumli met Wies einig nor im Himmel get.
Gling-ling, jetz lütet s Glöggli jo! Ond d Töre goht uf - oh lueged do! Die Chugele und die Liechtlipracht - Wie froh das euses Härzli macht!
Chrischtchindli, gäll, i eusem Huus Gsehts hüt fascht wie im Himmel us! - Du bisch so lieb wies Mami mi, Gäll, mer dörfe dini Chindli si!
G. Bünzli
|
||||||
| Wiehnacht
Wie höpperlet ond pöpperlet Mis Härzli i der Bruscht! Ond dass mis Härzli pöpperlet, Isch grad ned umesuscht. Denn, Wössen nor, er liebe Lüüt: s isch Wiehnacht, tänket, Wiehnacht höt! Wie planget do mis Härzli, Bis s Silberglöggli lüüt.
Oh, wenns doch au uf Ärde Ond vor em Faischter uss Wett schwinder fiischter wärde Ond rabeschwarz oms Huus! Wenns nor bald halbi säschsi wär; Denn chäm s Chrischtchindli liis derthär, De Samichlaus, dä treiti Än Sack voll Gschänkli schwär.
Ond lütets ändlech: O die Freud, Wenn d Töre wiit ufgoht, Ond wenn im schönschte Fletterchleid Vor eus äs Bäumli stoht. Da wird mis Härzli müslig schtill Ond s Müli weiss ned was äs will, Ob singe oder bätte, Vor Freud, jo gar so vill. Clarra Forrer
|
||||||
| D Ängeli
Was ruscht ou dur d Tännli Und chribbelet wien ä Muus Es gugget rundi Beinli Dur Schtock und Schtuden us.
s send Ängeli vom Himmel Lueg nur das Gschärli aa! Si trägid Silberfäckli Goldstäubli hangid dra.
Si suechid grüeni Bäumli. s isch um di heiligi Ziit. Ond Zwärgli hälfid loschtig, Wos öppis z hälfe git.
Do chund äs goldigs Wülchli As Tobelrändli zue, Ond d Zwärgli trägid d Tännli Ufs glänig Gfehrtli ue.
Uf jedem Grötzli fäcklet Im hälle Schtärneschii Äs Ängeli, und s Wülchli - Fahrt scho im Himmel ii.
Ernst Eschmann
|
||||||
| ä |
|
|||||
|
|
||||||
|
|
Weihnacht Zauber der Vergangenheit
|
noch eins...
|
Weihnachtszeit
|
|||
|
|
||||||
